عوام ایکسپریس کو حادثہ، ایک مسافر جاں بحق، 19 زخمی

ڈپٹی کمشنر کے مطابق  عوام ایکسپریس کی 4 بوگیاں ریلوے ٹریک سے اترگئیں، ایک بوگی میں پھنسے 7 مسافروں کو زخمی حالت میں نکالا گیا۔

ڈی سی لودھراں کے مطابق دیگر بوگیوں میں سے بھی زخمیوں کو نکال کر اسپتال منتقل کیا گیا جہاں ایک مسافر جاں بحق ہوگیا۔

رپورٹس کے مطابق ٹرین میں پھنسے کچھ مسافروں کو نکالنے کے لیے ریسکیو آپریشن جاری ہے۔

حکام کے مطابق حادثے کی وجہ معلوم نہیں ہوسکی۔ عوام ایکسپریس پشاور سے کراچی جارہی تھی۔