بلوچستان ، میاں بیوی کے قتل میں ملوث قبیلے کے سردار سمیت 13 گرفتار

بلوچستان ، میاں بیوی کے قتل میں ملوث قبیلے کے سردار سمیت 13 گرفتار

کوئٹہ

بلوچستان میں میاں بیوی کے بہیمانہ قتل میں ملوث 13 ملزمان کو گرفتار کرلیا گیا، گرفتار شدگان میں ساتکزئی قبیلے کا سربراہ بھی شامل ہے۔

میڈیا رپورٹس کے مطابق وزیراعلیٰ بلوچستان میرسرفراز بگٹی نے سماجی رابطے کی ویب سائٹ ایکس پر اپنے پیغام میں بتایا ہے کہ ان تک میاں بیوی کے قتل میں ملوث 13 ملزمان کو گرفتار کرلیا گیا ہے۔

ان کا کہنا ہے کہ قتل میں ملوث افراد کے خلاف آپریشن مؤثر طریقے سے جاری ہے، ریاست مظلوم کے ساتھ کھڑی ہے، تمام ملوث ملزمان کو کیفردار تک پہنچایا جائے گا۔

دوسری جانب میاں بیوی کے قتل میں ملوث افراد کی گرفتاری کیلیے کارروائی کرتے ہوئے پولیس نے ساتکزئی ہاؤس پر چھاپہ مار کر قبیلے کے سربراہ سردار شیرباز ساتکزئی کو گرفتار کرلیا۔

پولیس کی جانب سے سردار شیرباز ساتکزئی کی گرفتاری پر سراوان قبیلے کے سرداروں کا ردعمل سامنے آیا ہے ان کا کہنا ہے کہ واقعے کو جواز بنا کر قبیلے کے سربراہ کی گرفتاری درست نہیں۔

واضح رہے کہ بلوچستان میں غیرت کے نام پر میاں بیوی کے قتل کی ویڈیو وائرل ہونے کے بعد حکومتی مدعیت میں مقدمہ درج کیا گیا ہے۔

ترجمان بلوچستان حکومت شاہد رند نے کہا ہے کہ ویڈیو میں نظر آنے والے افراد کی شناخت کے لئے ڈیٹا نادرا بھیجا گیا جس میں متعلقہ قبائل اور ملوث افراد کی شناخت ہو گئی ہے جسے فی الحال ظاہر نہیں کر رہے۔