نوشہرو فیروز: قومی شاہراہ پر خوفناک حادثہ، ایک ہی خاندان کے 7 افراد جاں بحق

نوشہرو فیروز ، قومی شاہراہ پر خوفناک حادثہ، ایک ہی خاندان کے 7 افراد جاں بحق

نوشہرو فیروز

قومی شاہراہ پر تیز رفتار ٹرالر نے کار کو ٹکر مار دی جس کے نتیجے میں ایک ہی خاندان کے 7 افراد جاں بحق ہوگئے۔

پولیس حکام کے مطابق یہ افسوس ناک حادثہ نوشہرو فیروز کے علاقے سدھوجا کے قریب پیش آیا، جہاں تیز رفتار ٹرالر کار سے جا ٹکرایا۔ حادثے میں دو بچے، دو مرد اور تین خواتین جاں بحق ہوئیں۔

پولیس نے بتایا کہ جاں بحق ہونے والوں میں ایک شخص کی شناخت علی احمد جانوری کے نام سے ہوئی ہے، جو ضلع خیرپور کے گاؤں لقمان جان محمد جانوری کا رہائشی تھا۔ علی احمد جانوری اپنے والد غلام محمد جانوری کی میت کراچی سے گاؤں لے جا رہا تھا کہ راستے میں یہ المناک حادثہ پیش آ گیا۔

ذرائع کے مطابق علی احمد جانوری کی اہلیہ شبیراں اور بیٹی اسماء بھی جاں بحق ہونے والوں میں شامل ہیں۔ تمام میتوں کو ان کے آبائی گاؤں منتقل کر دیا گیا ہے۔