چنیوٹ،ٹریفک قوانین کی خلاف ورزی پر کارروائی ، 414 گاڑیوں کے چالان ، 3لاکھ 51ہزار 150 روپے جرمانہ

چنیوٹ

ڈسٹرکٹ پولیس آفیسر عبداللہ احمد کی ہدایت پر ٹریفک حادثات کی روک تھام کیلئے ڈی ایس پی ٹریفک خرم شہزاد کی زیر نگرانی ٹریفک پولیس کی کارروائیاں جاری ہیں۔ گزشتہ چوبیس گھنٹوں میں ٹریفک قوانین کی خلاف ورزی پر414 گاڑیوں کے چالان میں 3لاکھ 51ہزار 150 روپے جرمانہ کیا گیا ۔

ٹریفک پولیس نے148 اوورلوڈنگ، اووسپیڈ اور غفلت لاپرواہی کے11 چالان کیے گئے۔19 کم عمر ڈرائیوروں اور 10 بغیر ہیلمٹ موٹر سائیکل سواروں کیخلاف کارروائی کی گئی۔ایک دن میں ڈرائیونگ لائسنس کے بغیر ڈرائیونگ کرنے پر32 چالان میں بھاری جرمانہ وصول کیا گیا۔ لائن اینڈ لین کی خلاف ورزی پر 21 ودیگر ٹریفک قوانین کی خلاف ورزیوں پر 77گاڑیوں کیخلاف کارروائی کی گئی۔ اس حوالے سے ڈی پی او عبداللہ احمد کا کہنا تھا کہ شہریوں کے سفر کو محفوظ بنانے کیلئے عملی اقدامات یقینی بنائے جا رہے ہیں۔

ٹریفک حادثات کی روک تھام کے لیے کارروائیوں کے ساتھ آگاہی مہم کا سلسلہ بھی جاری ہے۔ ٹریفک ایجوکیشن یونٹ مختلف تعلیمی اداروں میں جا کر ٹریفک قوانین سے آگاہی دی جارہی ہے۔ ٹریفک قوانین پر عمل کر کے ٹریفک حادثات سے بچا جا سکتا ہے۔ا ن کا مزید کہنا تھا کہ شہریوں کی سہولت کیلئے سپیشل مہم کے تحت ڈرائیونگ لائسنس تیار کیے جار ہے ہیں۔ قانون پسند شہری ہونے کے ثبوت اپنا ڈرائیونگ لائسنس بنوائیں۔