جناح ہائوس ،عسکری ٹاور،خدیجہ شاہ کی دو مقدمات سے درخواست ضمانت منظور

لاہور (زورآور نیوز) جناح ہاؤس حملہ اور عسکری ٹاور حملہ کیس میں انتہائی اہم پیش رفت سامنے آئی ہے۔عدالت نے خدیجہ شاہ سمیت 6 ملزمان کی ضمانت منظور کر لی۔ لاہور ہائیکورٹ کے دورکنی بینچ نے فیصلہ سنایا۔ جسٹس عالیہ نیلم کی سربراہی میں دو رکنی بنچ نے عسکری ٹاور اور جناح ہائوس حملہ کیسوں میں 11 اکتوبر کو سوشل ایکٹوسٹ خدیجہ شاہ کی ضمانت کی 2 درخواستوں پر فیصلہ محفوظ کیا تھا۔عدالت نے ریمارکس دیئے کہ احتجاج کرنا یہ ہماری سوسائٹی کا کلچر ہے اتنی باریک بینی میں نہ جائیں کہ کل آپ کو مشکل ہوایک لیڈر کال دے تو لوگ احتجاج کیلئے نکلتے ہیں، احتجاج کرنے سے تو آپ کسی کو روک نہیں روک سکتے، عدالت کے استفسار پر سپیشل پراسکیوٹر فرہاد علی شاہ نے بتایا کہ خدیجہ شاہ ایف آئی آر میں نامزد نہیں، ریاست کے خلاف نعرے بازی کا الزام ہے، شناخت پریڈ کے بعد اس کا بیان ریکارڈ کیا گیا۔موقع پر لوگوں حکومت کیخلاف اکساتی رہی، خدیجہ شاہ اپنے اکائونٹ سے تصاویر بھی اپ لوڈ کیں، عدالت نے استفسار کیا کہ خدیجہ شاہ کے بیان میں غیر قانونی کیا بات ہی یہ کہنا کہ مائوں بہنوں کی عزت محفوظ نہیں کیا غیر قانونی ہی کیا آپ نے ٹوئٹر انتظامیہ سے اکائونٹ اور اس ٹوئیٹ کی تصدیق کرائی، پراسیکیوٹر نیموقف اپنایا کہ خدیجہ شاہ خود اس اکائونٹ کو اپنا کہتی ہیں، عدالت نے ریمارکس دیئے کہ پولیس فائل کو دیکھیں کیا اس میں سب کچھ درست ہے، جو حالات ہیں آگے پورے پنجاب کا کیا ہو گا عدالت نے متعلقہ ریکارڈ پیش نہ کرنے پر اظہار برہمی کیا، عدالت نے ریمارکس دیئے کہ جگہ جگہ کیمرے لگے ہیں کیسے کوئی چیز چھپی رہ گئی۔جب کہ ٌجلائو گھیرائو کیس میں خدیجہ شاہ، عالیہ حمزہ ودیگران کے جوڈیشل ریمانڈ میں 31 اکتوبر تک توسیع کی گئی تھی۔