ایڈیشنل سیشن جج ہمایوں دلاور انگلینڈ چلے گئے ،کانفرنس میں شرکت کریں گے Additional Sessions Judge Humayun Dilawar left for England, will attend the conferenceThe Chief Justice of the High Court had written a special letter to participate in the conference

اسلام آباد(زور آور نیوز)چیئرمین پی ٹی آئی کو سزا سنانے والے ایڈیشنل سیشن جج ہمایوں دلاور جوڈیشل کانفرنس میں شرکت کیلئے انگلینڈ چلے گئے۔ذرائع کے مطابق جج ہمایوں دلاور کی لندن ٹریننگ نامزدگی سے متعلق چار اگست کا خط سامنے آیا جس میں اسلام آباد ہائی کورٹ کے چیف جسٹس عامر فاروق نے جج کی جوڈیشل کانفرنس میں شمولیت کیلئے نامزدگی کی تھی، اسلام آباد ہائیکورٹ کے رجسٹرار نے چار اگست کو خط سیشن جج کو لکھا۔خط کے متن کے مطابق جج فیضان حیدر کی جگہ ٹریننگ کیلئے جج ہمایوں دلاور کا نام شامل کیا جائے، جج ہمایوں دلاور پانچ اگست سے 13 اگست لندن میں ٹریننگ میں شامل ہوں گے، یو کے کی یونیورسٹی آف ہل میں یہ ٹریننگ سیشن ہونا ہے۔عدالتی ٹریننگ کا موضوع انسانی حقوق اور قانون کی حکمرانی ہے، ٹریننگ کا تمام خرچہ کامن ویلتھ سیکرٹریٹ لندن کی جانب سے اٹھایا جا رہا ہے۔اسلام آباد سے ججز کی جوڈیشل کانفرنس شمولیت کا عمل دو ماہ سے جاری تھا اور کچھ ججز کو ویزہ نہ ملنے پر نام تبدیل کر کے دوسرے ججز کو شامل کیا گیا، پشاور میں بھی کچھ ججز کو ویزہ نہ ملنے پر نام تبدیل کئے گئے۔

Additional Sessions Judge Humayun Dilawar left for England will attend the conference The Chief Justice of the High Court had written a special letter to participate in the conference