اسلام آباد ( ) نائب امیر جماعت اسلامی پاکستان وسابق ممبر قومی اسمبلی میاں محمد اسلم نے حکو مت سے مطالبہ کیا ہے کہ ریڈ یو پاکستان کے ریٹائرڈ ملازمین کی گذشتہ تین ماہ سے رکی ہو ئی پنشن اور دیگر واجبات فوری طور پر ادا کیے جا ئیں ،تاکہ بزرگ شہری مسائل کا شکار نہ ہوں ، انھوں نے کہا ریڈیو پاکستان کے سابق ملازمین اپنی ساری زندگی قومی ادارے کی خد مت کر نے کے بعداپنی پنشن اور دیگر بقایا جات کے حصول کے لیے سڑکوں پر خوار ہو رہے ہیں ، حکو مت پاکستان اور وزیر اطلاعات ریٹائرڈ ملازمین کے اس مسئلے کو تر جیحی بنیادوں پر حل کریں ،ایک طر ف تو حکو مت اور وزارت اطلاعات میڈیا کی حقوق کی بات کر تے ہیں اور دوسری طرف میڈ یا سے وابستہ ریٹا ئرڈ ملازمین کا استحصال کیا جا رہا ہے ،میاں محمد اسلم نے کہا جماعت اسلامی ریڈیو پاکستان کے پنشنرز کے حق کے لیے اس جہدو جہد میں اُن کا بھر پور ساتھ دے گی ۔ان خیالات کا اظہار انھوں نے ریڈ یو پاکستان کے ریٹائرڈ ملازمین کے احتجاجی مظاہرے سے خطاب کر تے ہو ئے کیا ۔
میاں محمد اسلم نے کہا وزیر خزانہ اسحق دار کی جانب سے ریڈیو پاکستان کو کمرشل ادارہ قرار دے کر نظر انداز کر نا انتہائی افسوس ناک ہے ، ریڈ یو پاکستان قومی اثاثہ ہے ، جو کہ زرائع ابلاغ میں اہمیت کا حا مل ہے ، تحریک پاکستان اور قیام پاکستان کے حوالے سے اس ادارے کا اہم کردار ہے ، پاکستان کے قیام کا سب سے پہلے اعلان بھی ریڈیو سے ہی ہوا تھا آج بھی ملک کے دور افتادہ علاقوں میں ریڈ یو کو سنا جا تا ہے ،انھوں نے کہا حکومت ریڈیو کے ریٹا ئرڈ پنشنرز کے بقایا جات اور پنشن فوری طور پر ادا کر ے تا کہ وہ موجودہ مہنگائی میں اپنی ضروریات پوری کر سکیں ۔
Trending
- آئی ایس ایس آئی نے کشمیر انسٹی ٹیوٹ آف انٹرنیشنل ریلیشنز کے انٹرنز کے ساتھ کشمیر کے موضوع پر ایک سیشن کا انعقاد کیا
- او جی ڈی سی ایل کا کنر آئل فیلڈ سے تیل کی پیداوار میں اضافے کا اعلان
- موریطانیہ میں کشتی حادثے میں مرنے والوں کی تعداد چار ہو گئی۔
- وزیراعظم محمد شہباز شریف کی ڈونلڈ ٹرمپ کو ریاست ہائے متحدہ امریکہ کے سینتالیسویں صدر کے طور پر عہدہ سنبھالنے پر مبارکباد
- سرکاری ملازمین کیلئے پنشن میں کمی کا نوٹیفکیشن جاری
- سی سی پی کا راولپنڈی چیمبر آف کامرس میں کمپٹیشن قانون پر آگاہی سیمینار کا انعقاد
- پٹوار سیکرٹریٹ
- جعلی شادی کرنے والی خوبرو حسیناؤں کو پولیس نے گرفتار کر لیا
- ڈائریکٹر ایف آئی اے ہمایون سندھو کے بھیانک جرائم بے نقاب
- کرپشن اور بدعنوانی میں ملوث سی ڈی اے اور فیڈرل گورنمنٹ ایمپلائرز ہاوسنگ فاونڈیشن کے اہلکاروں سمیت 4 ملزمان کو گرفتار کر لیا گیا
Comments are closed.