لاہور (سپیشل رپورٹر )پاکستان مسلم لیگ کی سینئر نائب صدر مریم نواز کی وزیراعظم شہباز شریف سے ملاقات ہوئی ہے جس میں آئندہ کی سیاسی حکمت عملی پر بات چیت کی گئی۔ میڈیا رپورٹس کے مطابق مریم نواز وزیراعظم شہباز شریف سے ملاقات کیلئے ملتان جانے سے پہلے ماڈل ٹائون پہنچیں جہاں وزیراعظم کی زیر صدارت اہم مشاورتی اجلاس ہوا، جس میں موجود سیاسی صورتحال پر مشاورت کی گئی، وزیراعظم شہباز شریف کی زیر صدارت میٹنگ میں مسلم لیگ ن کے قائد نواز شریف کی واپسی پر بھی قانونی و آئینی پہلوں کا جائزہ لیا گیا، اس موقع پر سیاسی و آئینی صورتحال پر آئندہ کی حکمت عملی پر بھی غور وخوص کیا گیا۔
ذرائع سے معلوم ہوا ہے کہ مشاورتی بیٹھک میں وفاقی وزیر قانون اعظم نذیر تارڑ، وفاقی وزیر رانا ثنا اللہ اور عطا تارڑ بھی موجود تھے، معاون خصوصی وزیراعظم ملک احمد خان بھی شہباز شریف کی رہائش گاہ پر ہونے والی مشاورت میں شریک ہوئے، اجلاس میں شہباز شریف نے بجٹ، مہنگائی اور آئندہ کی سیاسی حکمت عملی پر بات کرتے ہوئے کہا کہ حکومت نے عوام دوست بجٹ پیش کیا اور مہنگائی کو کم کرنے کی کوشش کی۔
علاوہ ازیں پاکستان مسلم لیگ ن کی چیف آرگنائزر اور سینئر نائب صدر مریم نواز آج شجاع آباد میں یوتھ کنونشن سے خطاب کریں گی، جلسہ شجاع آباد کے فٹبال گرانڈ میں ہوگا جس کیلئے تیاریاں مکمل کرلی گئی ہیں، مریم نواز اپنے خطاب میں ملکی معاملات اور سیاسی صورتِ حال پر بات کریں گی۔ اس حوالے سے وزیر اطلاعات مریم اورنگزیب نے بتایا کہ پاکستان مسلم لیگ ن کی سینئر نائب صدر اور چیف آرگنائزر مریم نواز شریف آج شجاع آباد جائیں گی جہاں وہ یوتھ کنونشن سے خطاب کریں گی، اس موقع پر سیاسی شخصیات مسلم لیگ ن میں شمولیت کا اعلان گی، پارٹی کے تنظیمی عہدیداروں، سوشل میدیا، خواتین اور دیگر ونگز کے اجلاس بھی ہوں گے، مشاورت کی روشنی میں شجاع آباد، ملتان، بہاولپور سمیت جنوبی پنجاب کے تمام حصوں میں پارٹی کو اور بھی متحرک کریں گے۔
Trending
- فون کالز ریکارڈنگ کا معاملہ
- اسلام آباد میں رندھاوا سپیڈیں
- امریکہ کی بھارت سے ایک بار پھر جواب طلبی
- کے پی میں رواں سال 1400 سے زائد آپریشنز میں 124 دہشتگردوں کو ہلاک کیا: سی ٹی ڈی
- سمندر میں تیرتی بوتل میں موجود مواد کو شراب سمجھ کر پینے سے 4 ماہی گیر ہلاک
- پنجاب میں نیا ٹوکن ٹیکس نافذ کردیا گیا
- غریب خواتین کی نازیبہ ویڈیوز بنا کر انہیں بلیک میل کرنے والے گروہ…
- ‘واجبات جمع کرائیں۔ ورنہ جائیدادوں کی الاٹمنٹ منسوخ’
- بجلی کی قیمتوں میں اضافہ پر ملک بھر میں احتجاج
- بجلی کے ظالمانہ بل اور غریب عوام
مریم نواز اور وزیراعظم کی ملاقات
Next Post
Comments are closed.