سونے کی قیمتوں میں بین الاقوامی اور مقامی سطح پر اضافہ

کراچی: سونے کی قیمتوں میں  بین الاقوامی اور مقامی سطح پر اضافہ ہوگیا۔

کاروباری ہفتے کے آخری دن بین الاقوامی بلین مارکیٹ میں فی اونس سونے کی قیمت 9ڈالر اضافے سے  2022 ڈالر کی سطح پر پہنچ گئی۔

دوسری جانب  مقامی صرافہ مارکیٹ میں بھی ہفتے کے روز 24 قیراط سونے کی فی تولہ قیمت میں 800 روپے کا اضافہ ہوا، جس سے نئی قیمت 2 لاکھ 16 ہزار 500 روپے فی تولہ ہوگئی۔

اسی طرح فی 10 گرام سونے کی قیمت میں بھی 686 روپے کا اضافہ ہونے سے نئی قیمت ایک لاکھ 85 ہزار 614 روپے کی سطح پر آ گئی۔