رواں سال حج کیلئے جانے والے معاونین کے حوالے سے معلوم ہوا ہے کہ ان میں اکثریت نے قبل از وقت پاکستان واپسی کیلئے درخواستیں دینا شروع کردی ہیں اور یہ تعداد ہر گزرتے روز کے ساتھ بڑھ رہی ہے ، ان کی قبل از وقت واپسی کی درخواستوں سے یہ اندازہ لگانا مشکل نہیں ہے کہ ان معاونین نے دوران حج یا بعد میں کس دلجمی کے ساتھ اپنی ڈیوٹی کو ادا کیا ہوگا ، یہاں یہ بھی بات قابل ذکر ہے کہ ان معاونین نے اسی ڈیوٹی کی وجہ سے حج کی سعادت بھی حاصل کی مگر اب وہ اپنی ڈیوٹی پوری کرنے کے بجائے جلد وطن واپسی کے خواہشمند ہیں، اس حوالے سے مکہ میں ایم سی او ڈائریکٹرکمپلینٹ اینڈ ڈسپلن مہرین بلوچ اور ایم سی او مکہ ڈائریکٹر ایڈمن کے جانب سے ایک دستخط شدہ سرکلر جاری کیا گیا ہے جس کے مطابق تمام معاونین کو مطلع کیا گیا ہے کہ کسی بھی صورت میں کوئی معاون اپنی ڈیوٹی پوری کئے بغیر قبل از وقت وطن واپس نہیں جاسکتا ہاں اگر کسی معاون کے خونی رشتے کا انتقال ہو جائے تو اس صورت میں اس کی واپسی ممکن ہو سکتی ہے، یہ بھی بتایا ہے کہ اگر حج میڈیکل مشن کی جانب سے کسی معاون کو غیر صحت مند قرار دیا جائے تو اس کی قبل از وقت واپسی ہوسکتی ہے تاہم اس کیلئے یہ شرط بھی ہے کہ ایسا شخص پھر کبھی بطور حج معاون کے طور پر منتخب نہیں ہوگا، اس کے علاوہ ایسے معاونین جنہوں نے قبل از وقت واپسی کی درخواستیں دی ہیں ان کی درخواستیں اس شرط پر منظور ہوسکتی ہیں کہ کہ وہ اپنے خرچے پر واپس جائیں اور مستقبل میں انہیں بطور معاونین حج کیلئے بلیک لسٹ کردیا جائے گا۔
Trending
- اربوں روپے سے بنائی گئی اسلام آباد ہائیکورٹ کی چھتیں پانی سے ٹپکنے لگیں
- ایران نے 550 بیلسٹک میزائل ، ایک ہزار ڈرون داغے ، 28 شہری ہلاک ، 3 ہزار زخمی ہوئے ، اسرائیلی حکام
- جڑواں شہروں میں موسلا دھار بارش کا سلسلہ جاری ، محکمہ واسا کا ہائی الرٹ جاری ، رین ایمرجنسی نافذ
- اسلام آباد ، 18 سالہ لڑکے کے ساتھ اجتماعی زیادتی
- راولپنڈی ، مون سون الرٹ ، پہلی بارش نے ضلعی انتظامیہ کی نااہلی کا پول کھول دیا
- سعودی ولی عہد کا وزیراعظم شہباز شریف کو فون ، حالیہ تنازعے کے پرامن حل کیلئے پاکستان کے تعمیری کردار کی تعریف
- ایف آئی اے کارروائی ، کرپشن اور اختیارات کا ناجائز استعمال ، میپکو ملازم گرفتار
- راولپنڈی ، سی ای او ایجوکیشن امان اللہ خان کا دو روز کا جسمانی ریمانڈ منظور
- اسلام آباد سے پیپر ملبری کے درختوں کا خاتمہ اولیں ترجیح ، سی ڈی اے
- ایرانی صدر کا حالیہ کشیدگی کے دوران پاکستان کی مستقل اور اصولی حمایت پر وزیراعظم کا شکریہ
سعودی عرب میں موجود معاونین حج حکومتی خرچے پر حج کرنے کے بعد وطن واپس جانے کیلئے بے چین
Prev Post
Comments are closed.